Senpertarrengandik hurbilago den herriko etxe bat

Herriaren, biztanleen eta elkarteen arteko hurbiltasun harreman sendo bat berreskuratu nahi dugu.

Erabaki gehiegi hartu dira kontzertaziorik gabe eta urruntasunean. Bultzatuko ditugu:

● etengabeko elkarrizketa,

● gardentasuna,

● elkarlana,

herriko eta lurraldeko indar biziekin

Gure bizi ingurumena hobetzea

Eremu publikoak hobeki zaintzeko engaiamendua hartzen dugu, gure herriak itxura duin eta abegitsua berreskura dezan.

Orokorki, gure herriaren garbitasuna, mantentze erregularra eta edertzea lehentasunezkoak izanen dira.

Gure laborariak eta tokiko laborantza sustengaatzea

Gure laborariek lurraldea biziarazten dute eta kalitatezko elikadura bermatzen dute.

Gure lurrak zaintzea eta zirkuitu motzak bultzatzea, gure elikadura nortasun eta autonomia defendatzea da.

Trantsizio ekologiko konkretua

Gure ekintzak trantsizio ekologikoa barne hartuko du herriko kudeaketaren alderdi guzietan:

➔ herriko eraikinen berriztatze energetikoa

➔ berdeguneen kudeaketa arrazoitua

➔ zirkuitu laburren balorizazioa

➔mugikortasun eztiak bultzatzea

Susperraldi ekonomikora heltzea

Gaur egun, herria arras egoera ekonomiko txarrean da. Urgentzia horren aitzinean:

➔ finantzak zuzentzeko lan sakona eginen dugu, gastuak arrazionalizatuz,

➔ baina, batez ere, laguntza, dirulaguntza eta partaidetzen bila joanez, gure inbertsio proiektuak laguntzeko.

Belaunaldien arteako harreman soziala sendotzea

Nahi dugu:

❂ elkartze momentuak biderkatu,

❂ partekaturiko aktibitateak biderkatu,

❂ elkarbizitza sortu,

❂ elkartasuna sustatu.

Horrek egiten du herri bizi eta gizatiar bat.

Etxebizitza guzientzat eskuragarri izatea

Gazteei bizitegi baten eskuratzen lagundu nahi diegu, adinekoei bizitegi egokietan gelditzen, eta familiei aterabide eskuragarriak aurkitzen.

SRU legeak inposatzen duen etxebizitza sozialen defizitaren berreskuratzeko dugun borondatea berresten dugu, batez ere senpertarren % 75a hautagai delako.

Politika boluntarista hori, nahitaez, lur erreserbak eskuratzeko urrats aktibo baten bidez iraganen da.

Prozesu honek denbora behar du, duela guti sinatu den gizarte mistotasun hitzarmenak hartzen uzten ez diguna.

Euskara, zaindu, transmititu eta biziarazi behar den aberastasun kolektiboa

Euskara, egunerokoan zaindu, transmititu eta biziarazteko ardura dugun aberastasun kolektiboa.

• Bere ikaskuntza ahalbidetzen duen edozoin ekimen sustengatuko dugu,

• Herriko komunikazioa elebiduna izan dadin bermatuko dugu,

• Euskararen bultzatzea eta erabilpena sustatzen duen edozoin ekimen eta ekitalditan parte hartuko dugu,

• Hizkuntzaren erabilpenaren normalizazioa bultzatuko dugu eguneroko bizian, bereziki bizi publikoan,

• Euskara biziberritzeko politika publiko bat pentsatuko dugu, biztanle guziei zuzendua, euskaldun eta erdaldunei.